Afreksmaður framtíðarinnar, fyrirlestraröð HR og HSÍ fór fram síðastliðinn laugardag en þangað mæta öll yngri landslið HSÍ. Fyrirlestraröðin er haldin tvisvar á ári og þar fá framtíðarlandsliðsmenn okkar fræðslu um allt sem kemur við íþróttum.
Gunnar Magnússon, yfirþjálfari yngri landsliða HSÍ var fyrstur í pontu þar sem hann kynni fyrir leikmönnum hvernig næsta ári yrði háttað hjá yngri landsliðunum. Þá tók við Birgir Sverrisson framkvæmdastjóri Lyfjaeftirlits Íslands fyrirlestur um Lyfjamál í íþróttum.
Á föstudaginn fóru fram mælingar á líkamlegri getu leikmanna yngri landsliða sem HR stóð fyrir. Niðurstöðunum er safnað saman milli mælinga og geta því leikmenn yngri landsliða fylgst með eigin mælingum og líkamlegri getu sinni auk þess sem nemendur og starfsmenn HR geta nýtt tölurnar til rannsókna á íþróttasviði háskólans.
Samstarfs HR og HSÍ er báðum aðilum dýrmætt og nýtist jafnt í dag sem og til framtíðar.
Að lokum gaf Lýsi öllum landsliðmönnum Heilsutvennu og Lýsisperlur, en Lýsi er samstarfsaðili HSÍ.
#handbolti