Íslensku strákarnir mættu grimmir til leiks og komust í 3-0. Franski þjálfarinn tók þá leikhlé sem kveikti heldur betur í Frökkunum, þeir jöfnuðu 5-5 eftir 10 mínútur, komust í 5-8 en þá tók Ísland leikhlé. Frakkar héldu þó áfram að þjarma að íslenska liðinu og var staðan 6-11 um miðjan fyrri hálfleikinn. Strákarnir fóru þá að svara fyrir sig aftur og minnkuðu muninn í 1 mark 14-15. Í hálfleik var staðan 18-20 fyrir Frökkum. Grétar Ari varði 12 bolta í fyrri hálfleik.
Fyrir utan fyrstu mínútur seinni hálfleiks, þar sem Ísland minnkaði muninn í 1 mark í stöðunni 20-21, þá voru Frakkar mun sterkari allan seinni hálfleik. Eftir 40 mínútur var staðan 22-25. Frakkar juku bara muninn meðan lítið gekk hjá íslensku strákunum. Hvorki í vörn né markvörslu, en eins og lokatölur gefa til kynna var lítið um varnarleik í leiknum, Frakkar gerðu þó betur og um það munar. Grétar Ari var með 5 bolta varða í seinni hálfleik og Einar Baldvin 2, en hann spilaði síðustu 8 mínúturnar.
Maður leiksins var valinn Elvar Örn Jónsson
Markaskorarar:
Elvar Örn Jónsson – 6, Óðinn Þór Ríkharðsson – 6, Ýmir Örn Gíslason – 6, Ómar Ingi Magnússon – 5, Hákon Daði Styrmisson – 3, Birkir Benediktsson – 3, Leonharð Harðarson – 2, Egill Magnússon – 2
Markvarsla:
Grétar Ari Guðjónsson – 17/35 (32,7%)
Einar Baldvin Baldvinsson – 2/3 (40%)
Íslensku strákarnir svekktir í leikslok
Tekið á því í vörninni
Línusending hjá Ómari
Hákon skorar mark í leiknum.