U-18 ára landslið kvenna spilaði við Rúmeníu og Svartfjallaland í dag.

Fyrri leikurinn var gegn Rúmeníu sem endaði í 4. sæti á heimsmeistaramóti 17 ára liða seinasta sumar.

Stelpurnar  byrjuðu leikinn af miklum krafti og var jafnt framan af, í hálfleik stóðu leikar 6-7 Rúmeníu í hag. 

Þó svo að rúmenska liðið hafi sigið fram úr í seinni hálfleik gáfust íslensku stelpurnar aldrei upp, lokatölur 12-16 fyrir Rúmena.

Mörk Ísland geng Rúmeníu:

Andrea Jacobsen 4, Sandra Erlingsdóttir 3, Anna Katrín Stefánsdóttir 2,

Þóra Guðný Arnarsdóttir 2, Eyrún Ósk Hjartardóttir 1.

Í seinni leik dagsins var leikið gegn Svartfjallalandi, þar er mikil handboltahefð og þá sérstaklega í kvennahandboltanum.

Svipað og í leiknum gegn Rúmeníu var jafnt framan af, þó hafði íslenska liðið forystu í hálfleik, 6-7.

Í seinni hálfleik settu svo stelpurnar okkar í fluggírinn og lönduðu frábærum sigri 9-15.

Frábær leikur hjá okkar stúlkum og eiga þær mikið hrós skilið.

Mörk Íslands gegn Svartfjallalandi:

Eyrún Ósk Hjartardóttir 3, Sandra Erlingsdóttir 3, Andrea Jacobsen 3, 

Alexandra Diljá Birkisdóttir 3, Lovísa Thompson 2, Anna Katrín Stefánsdóttir 1.

Á morgun spila stelpurnar gegn Sviss kl.11.00 og þá gegn Noregi kl.14.30. Ath. þetta eru íslenskir tímar.