U-17 ára landslið karla leikur þessa dagana á æfingamóti í Lille í Frakklandi. Liðið ferðaðist til landsins í gær og dvelur í góðu yfirlæti á hóteli í borginni Lille. Fyrsti leikur strákanna var gegn heimamönnum í kvöld.
Leikurinn byrjaði vel fyrir heimamenn en þeir komust í 3-0 eftir örfáar mínútur. Íslenska liðið var fljótt að jafna leikinn og hafði yfirhöndina restina af hálfleiknum. Staðan í leikhléi var 15-16 fyrir okkar menn.
Síðari hálfleikur var vel leikinn af okkar hálfu og þegar skammt var eftir af leiknum höfði strákarnir þriggja marka forskot. Frakkarnir voru hins vegar sterkir á leikametrunum og jöfnuðu þegar 20 sekúndur voru eftir. Íslendingar áttu möguleika að tryggja sér sigurinn en Frakkarnir stálu boltanum og brunuðu í hraðaupphlaup. Það var hins vegar Adam sem varði hraðaupphlaupið í þann mund sem lokaflautið gall. Jafntefli niðurstaðan, 27-27.
Margt jákvætt í leiknum gegn líkamlega sterkum Frökkum. Hins vegar grátlegt að missa forskotið á lokamínútunum. Adam átti góðan leik í markinu og varði 14 skot eða 35% markvörslu og bjargaði góðu stigi sem liðið hefði tekið fegins hendi fyrir leik.
Markaskor Íslands:
Benedikt Óskarsson – 5 mörk
Ísak Gústafsson – 5 mörk
Arnór Viðarsson – 4 mörk
Gunnar Hrafn Pálsson – 3 mörk
Guðmundur Bragi Ástþórsson – 3 mörk
Jakob Aronsson – 3 mörk
Reynir Freyr Sveinsson – 1 mark
Tryggvi Þórisson – 1 mark
Kristófer Máni Jónasson – 1 mark
Símon Michael Guðjónsson – 1 mark
Markvarsla:
Adam Thorstensen – 14 skot (35%)
Brynjar VIgnir Sigurjónsson – 1 skot (50%)
Næstu leikir liðsins er á morgun og laugardag
Föstudagur – 26.október
Ísland – Króatía kl. 16:30 (íslenskur tími)
Laugardagur – 27.október
Ísland – Sviss kl. 16:30 (íslenskur tími)