Powerade bikarinn | Dregið í 32 liða úrslit

Í morgun var dregið í 32 liða úrslit Powerade bikars karla og í 4. flokk karla.

Á ársþingi HSÍ í sumar var þar samþykkt að lið í Olísdeildum sætu hjá í 32 liða úrslitum bikarsins og því voru 8 lið í pottinum sem voru: Selfoss, Víkingur, Þór, Hörður, Víðir, ÍBV 2, Hvíti Riddarinn og ÍH.

Eftirfarandi lið mætast í 32 liða úrslitum Powerade bikarsins:
Víðir – Hörður
ÍBV 2 – Þór
Hvíti Riddarinn – Víkingur
ÍH – Selfoss
Leikdagar 32-liða úrslita eru 30. og 31. október.

 Dregið var einnig í 2 viðureignir í 1. umferð Powerade bikarsins í 4. flokki karla.

Íslandsmeistarar Vals, bikarmeistarar Hauka og deildarmeistarar FH í 4. flokki karla sátu hjá í drættinum í dag.

Fjölnir/Fylkir 2 mætir Aftureldingu og ÍR mætir ÍBV. Viðureignir liðana skulu fara fram fyrir 14. október nk.