Olísdeild karla | Úrslitin ráðast í kvöld

Síðari leikur Hauka og Vals um Íslandsmeistaratitilinn í Olísdeild karla fer fram í kvöld kl. 19.30 að Ásvöllum í Hafnarfirði.

Valsmenn unnu fyrri leikinn með þriggja marka mun, 32-29 sl. þriðjudag en leikið er með sama fyrirkomulagi og í Evrópukeppnum.

Stöð 2 verður með beina útsendingu frá Ásvöllum og hefst útsending Seinni bylgjunnar kl. 18.45. Auk þess verður uppgjörsþáttur að leik loknum.

Miðasala á leikinn er í fullum gangi á Stubb, við hvetjum fólk til að mæta á völlinn í kvöld og styðja sitt lið.