Upphitun fyrir stuðningsmenn íslenska landsliðsins fyrir leikinn við Dani á Evrópumótinu í handknattleik hefst klukkan 13 í dag á veitingastaðnum Paddys Restaurang í miðborg Malmö. Upphitunin stendur yfir til klukkan 16 og er skipulögð í samstarfi Sérsveitarinnar, stuðningssveitar HSÍ, og Handknattleikssambandsins.

Eru Íslendingar sem eru í Malmö og ætla á leikinn hvattir til að mæta á Paddys og mynda þar saman góða stemningu fyrir leikinn í dag s
em hefst klukkan 18.15 í Malmö Arena.

Einar Andri Einarsson úr þjálfarateymi íslenska landsliðsins mætir á svæðið klukkan 14 og fer yfir leikinn eins og honum einum er lagið.