U-18 ára landslið karla lauk í kvöld keppni á Sparkassen Cup í Þýskalandi þegar liðið bar sigurorð af úrvalsliði Saar héraðs, í leik um 5.sætið á mótinu, 27-24. Staðan í hálfleik var 15-12 fyrir Íslandi.

Mörk Íslands í leiknum gerðu: Ómar Ingi Magnússon 8, Henrik Bjarnason 4, Hlynur Bjarnason 4, Dagur Arnarsson 2, Leonharð Harðarson 2, Egill Magnússon 2, Birkir Benediktsson 2, Sigtryggur Daði Rúnarsson 1, Arnar Freyr Arnarsson 1 og Hjalti Már Hjaltason 1.

Í markinu átti Grétar Ari Guðjónsson stórleik og varði 17 bolta.