Nú rétt í þessu var að hefjast leikur Íslands og Króatíu á EM 18 ára liða. Leikinn má sjá í beinni útsendingu hér í fréttinni.

Evrópukeppni 18 ára landsliða fer fram í Króatíu næstu tvær vikurnar, íslensku strákarnir komu inná hótel í Koprivnica nú undir kvöld og nú fer í hönd lokaundirbúningur fyrir fyrsta leik liðisins.

Laus er til umsóknar námsstaða í meistaranámi í íþróttavísindum og þjálfun (MSc) við íþróttafræðisvið Háskólans í Reykjavík.

Ísland tryggði sér 7. sæti á EM U-20 í Danmörku með 38-33 sigri á Póllandi. Besti árangur U-20 liðs á EM.

Ísland og Pólland mætast kl 7:30 í leik um 7. sæti á EM U-20 í Danmörku. Eftir svekkjandi tap fyrir Dönum í síðasta leik ætla strákarnir að klára þetta mót með sæmd.

Ísland mætti í dag Danmörku á EM U-20 í Danmörku. Leikurinn var umspilsleikur um hvort liðið spilaði um 5. sæti á mótinu. Lokatölur 28-24 fyrir Dönum og munu íslensku strákarnir því spila um 7. sæti á sunnudaginn kl 7:30.

Riðlakeppni Evrópumeistaramóts U-20 landsliða lauk í gær. Ísland endaði í 3. sæti í milliriðli 1 og spilar því um 5-8. sæti. Ísland leikur við Dani, sem enduðu í 4. og neðsta sæti milliriðils 2, kl 11:00 í fyrramálið.

Ísland spilaði við Frakka í milliriðli EM U-20 kl 12:00. Lokatölur 31-38 og þurfa Íslensku strákarnir því að bíða eftir úrslitum í leik Spánverja og Pólverja til að vita hvort liðið leikur í undanúrslitum eða um 5-8. sæti. Úrslit leiksins eru mikil vonbrigði fyrir íslenska liðið.

Ísland mætir núverandi Evrópu- og heimsmeisturum frá Frakklandi kl 12:00 í lokaleik í milliriðlium á EM U-19. Undir er sæti í undanúrslitunum. Íslandi dugar 1 stig til að tryggja sér 1. eða 2. sætið í riðlinum en Frakkar þurfa á sigri að halda.

Ísland og Pólland mættust í fyrsta leik í milliriðli kl 12:00 í dag. Óhætt er að segja að íslenska liðið hafi spilað frábærlega á löngum köflum í leiknum og uppskáru eftir því 12 marka sigur, 36-24.

Ísland og Pólland mætast kl 12:00 í fyrsta leik í milliriðlum EM U-20. Leikurinn fer fram í Sydbank Arena, en það er fyrsti leikur strákanna í höllinni. Bæði lið þurfa nausynlega á sigri að halda til að eiga möguleika á að komast lengra í mótinu. Eftir svekkjandi jafntefli við Spánverja í síðasta leik eru strákarnir staðráðnir í að klára þennan leik af fullum krafti.

Riðlakeppni Evrópumeistaramóts U-20 landsliða karla lauk lauk í gær. Ísland endaði í 2. sæti í B-riðli með jafn mörg stig og Spánverjar en lakari markatölu. Ísland og Spánn fara bæði í milliriðil úr B-riðli með 1 stig. Þar munu þau mæta Frökkum og Pólverjum úr A-riðli.

Ísland og Spánn gerðu jafntefli í uppgjöri toppliða B-riðils EM U-20 í leik þar sem Spánverjar jafna úr víti þegar leiktíminn er úti. Spánverjar vinna því riðilinn á betri markatölu. Liðin munu svo deila með sér stigunum þegar milliriðlar hefjast á þriðjudag.

Ísland og Spánn mætast kl 18:00 í úrslitaleik um sigur í B-riðli á EM U-20 í Danmörku. Um sannkallaðan 4 stiga leik er að ræða þar sem sigurvegarinn mun ekki einungis sigra riðilinn heldur mun hann taka 2 dýrmæt stig með sér í milliriðil.

Í dag var ekki leikur hjá strákunum á EM í Danmörku. Strákarnir nýttu tímann vel og fóru að stöðuvatni hérna nærri þar sem þeir fengu sér að borða og brugðu á leik.

Ísland sigraði silfurliðið frá HM í fyrra í öðrum leik sínum á EM. Lokatölur 23-19 þar sem strákarnir tryggðu sér sigurinn með góðum lokakafla.

Ísland mætir kl 18:00 í dag gríðarsterku liði Slóvena á Evrópumeistaramóti U-20 landsliða. Ísland og Slóvenía mættust í undanúrslitum á HM í fyrra þar sem Slóvenar unnu, 31-30 með góðum lokakafla eftir að íslenska liðið leiddi í hálfleik með 4 mörkum. Slóvenar spiluðu svo til úrslita þar sem þeir töpuðu fyrir Frökkum.

Axel Stefánsson þjálfari A-landsliðs kvenna hefur valið sinn fyrsta landsliðshóp. Hópurinn æfir í Reykjavík 7. – 12. ágúst.

Ísland mætti Rússlandi í fyrsta leik riðlakeppni Evrópumeistaramóts U-20, lokatölur 32-31 fyrir Íslandi. Jafnræði var með liðunum lengst af og munaði aldrei meira en 3 mörkum. Strákarnir lönduðu þó góðum sigri og eru því komnir með 2 stig í riðlinum.

Mikið var um dýrðir í góða veðrinu fyrir utan húsakynni ÍSÍ í morgun þegar ráðamenn ríkisstjórnarinnar og ÍSÍ skrifuðu undan nýjan samning um stóraukið fjármagn í afrekssjóð ÍSÍ.

Ísland hefur kl 18:00 í dag leik á Evrópumeistaramóti U20 landsliða sem fram fer í Kolding í Danmörku. Fysti mótherjinn er Rússland sem jafnframt er eini mótherjinn í riðlinum sem íslensku strákarnir hafa ekki mætt nýlega. Rússland, á heimavelli, endaði í 11. sæti á HM U19 í fyrra.

Íslenska karla landsliðið skipað leikmönnum U-20 er mætt til Kolding í Danmörku þar sem þeir munu taka þátt í Evrópumeistaramóti U-20 landsliða. Mótið fer fram í Kolding og Vamdrup og mun íslenska liðið spila sinn riðil í ARENA SYD höllinni í Vamdrup.

Maksim Akbashev þjálfari u-14 ára landsliðs karla hefur valið 21 leikmann til æfinga helgina 19. – 21. ágúst.

Í morgun var dregið í fyrstu umferðir Evrópukeppna. Þrjú íslensk lið eru skráð til leiks, karla- og kvennalið Hauka ásamt karlaliði Vals.

Hið árlega strandhandboltamót fer fram í Nauthólsvík 23. júlí n.k.

Heimir Ríkarðsson þjálfari u-16 ára landsliðs karla hefur valið 29 leikmenn til æfinga 21. – 24. júlí n.k.

Stelpurnar okkar í u-18 ára landsliði kvenna tryggðu sér í dag 13. sætið á European Open með góðum sigri á nágrönnum okkar frá Færeyjum.

Stelpurnar okkar unnu góðan sigur á Georgíu í dag í síðasta leik millirðilsins.

Íslensku stelpurnar gerðu jafntefli við Slóvakíu í leik dagsins á Opna Evrópumótinu í Gautaborg.

Stelpurnar okkar spiluðu tvo leiki í dag, í morgun gegn Sviss og svo eftir hádegið á móti Noregi.

U-18 ára landslið kvenna spilaði við Rúmeníu og Svartfjallaland í dag.

Í dag hefur u-18 ára landslið kvenna þátttöku sína á Opna Evrópumótinu í Gautaborg í Svíþjóð.

U-18 ára landslið karla tapaði gegn Þýskalandi í lokaleik á æfingamótinu í Lübeck í Þýskalandi.

U-18 ára landslið karla vann Ísrael 42-39 í sannkölluðum markaleik á æfingamóti í Lübeck í Þýskalandi.

U-18 ára landslið karla tapaði sínum fyrsta leik á móti Danmörku á æfingamótinu í Lübeck í Þýskalandi.

Um helgina tekur U18 ára landslið karla þátt í sterku æfingamóti í Lübeck, Þýskalandi.

Ísland mætti Spáni í lokaleik sínum á æfingamóti fyrir Evrópumeistaramót U-20 ára landsliða. Íslensku strákarnir sigruðu sterkt lið Spánverja 30-23.

Ísland spilaði við Þjóðverja í dag á æfingamóti fyrir Evrópumeistaramót U-20 ára landsliða. Leikurinn endaði með 2 marka sigri Þjóðverja, 28-30.

Ísland mætti í dag heimamönnum í Sviss í fyrsta leik á æfingamóti fyrir Evrópumeistaramót U-20 ára landsliða. Íslendingar sigruðu með 23 mörkum gegn 21 marki.

Nú í hádeginu var dregið í undanriðla fyrir HM kvenna 2017, stelpurnar okkar verða í 3. riðli.

Nú er orðið ljóst hvar og hvænær íslenska liðið spilar á heimsmeistaramótinu í Frakklandi.

Íslenska U-20 lið karla tekur um helgina þátt í sterku æfingamóti í Sviss. Auk Íslendinga og heimamanna taka lið Þjóðverja og Spánverja þátt í mótinu.

Nú í hádeginu var dregið í riðla fyrir heimsmeistaramótið sem fram fer í Frakklandi í janúar 2017.

Á morgun fimmtudag verður dregið í riðla fyrir heimsmeistaramótið í Frakklandi sem haldið verður í janúar á næsta ári.

Þann 1. júlí 2016 verður leikreglum í handbolta breytt og tekur breytingin gildi frá þeim tíma. Ný leikreglubók á ensku verður gefin út í sumar og væntanlega íslensk síðar í haust.

Ólafur Stefánsson og Sigursteinn Arndal hafa valið þá 16 leikmenn sem spila á 4 liða móti í Sviss 24.-26. júní.

Strákarnir okkar spila á HM í Frakklandi í janúar á næsta ári.

Mótanefnd HSÍ hefur gefið út frumdrög af Úrvalsdeildum karla og kvenna fyrir næsta keppnistímabil.

Geir Sveinsson þjálfari A landslið karla hefur valið þá 16 leikmenn sem leika gegn Portúgal í kvöld.

Ísland spilar siðari leikinn við Portúgal í Porto annað kvöld klukkan 20.00. Leikurinn er í beinni útsendingu á Rúv og hefst útsending klukkan 19.35.