Upphitun stuðningsmanna íslenska landsliðsins fyrir lokaleik liðsins gegn Svíum í kvöld hefst klukkan 15 á sama stað og fyrir fyrri leiki íslenska landsliðsins í keppninni, þ.e. á Paddy’s Restaurang. 

Upphitunin stendur yfir til klukkan 17.30 og er skipulögð í samstarfi Sérsveitarinnar, stuðningssveitar HSÍ, og Handknattleikssambands Íslands.


Íslendingar sem eru í Malmö og ætla á leikinn eru hvattir til að mæta á Paddy’s og mynda þar jákvæða stemningu fyrir leikinn sem hefst klukkan 20.30 í Malmö Arena. (19.30 að íslenskum tíma).


Hægt verður að kaupa treyjur íslenska landsliðsins og sækja pantaða miða.


Allir saman nú – áfram Ísland!

#
handbolti


 


#
strakarnirokkar


 


#
ehfeuro2020


 


#
dreamwinremember