Í haust fer starf dómaranefndar á fullt og er eftirfarandi á dagskrá.
Haustfundur dómara
Sunnudaginn 23. ágúst
verður árlegur haustfundur deildardómara haldinn. Fundurinn verður haldinn í fundaraðstöðu ÍSÍ og eiga allir deildardómarar sem og væntanleg C-stigs dómaraefni félaga að mæta.
Skráning fer fram á
robert@hsi.is
og
lýkur föstudaginn 14. ágúst nk.
Fundur með þjálfurum og félögum
Dómaranefnd HSÍ heldur fund með starfandi þjálfara og fulltrúa félaga
sunnudaginn 30.ágúst nk. kl.11.00-12.30, en félög sem taka þátt í efstu deild karla og kvenna, er skylt að senda þjálfara á fund sem dómaranefnd boðar til í upphafi hvers keppnistímabils til að fara yfir leikreglur og áherslur dómaranefndar. Fundurinn verður haldinn í fundaraðstöðu ÍSÍ.
Skráning fer fram á
robert@hsi.is
fyrir miðvikudaginn 26. ágúst nk.
Fundur með dómaratengiliðum
Dómaranefnd HSÍ heldur fund með dómaratengiliðum
þriðjudaginn 8. september kl.18.00-20.00. Fundurinn verður haldinn í fundaraðstöðu ÍSÍ og eiga dómaratengiliðir frá öllum félögum að mæta á þann fund en formenn deilda og unglingaráða eru einnig velkomnir.
Á fundinum verður farið yfir tilhögun og uppbyggingu dómaranámskeiða næsta vetur, mönnun leikja (dómarar, tímaverðir, ritarar), dómgæslu í yngri flokkum og verklega þjálfun yngri dómara.
Skráning fer fram á
robert@hsi.is
fyrir
föstudaginn 4. september nk.
Námskeið fyrir tímaverði og ritara
Dómaranefnd HSÍ heldur námskeið fyrir tímaverði og ritara
fimmtudaginn 3.september milli kl.18.30 og 22.00. Mikilvægt er að allir sem hyggjast starfa sem tímaverðir og ritarar á leikjum í meistaraflokki karla og kvenna, og sóttu ekki námskeið á síðasta ári, mæti á þetta námskeið. Þátttakendur fá viðurkenningu í lok námskeiðs. Námskeiðið verður haldið í fundaraðstöðu ÍSÍ í Laugardal.
Skráning fer fram á
robert@hsi.is
fyrir
föstudaginn 28.ágúst nk.
C-stigs námskeið
Helgina 2.-4. október verður haldið C-stigs dómaranámskeið, en það er efsta stig dómararéttinda.
Skráning fer fram á
robert@hsi.is
og lýkur föstudaginn 25. september nk. Þátttakendur skulu taka fram við skráningu nafn, kennitölu, félag, tölvupóstfang og síma.
B-stigs námskeið
Helgina 2.-4. október nk verður haldið B-stigs dómaranámskeið á stór-Reykjavíkursvæðinu, en það er miðstig dómararéttinda og gefur rétt til að dæma alla leiki nema leiki í meistaraflokki og 2. flokki karla, úrslitaleiki yngri flokka og bikarkeppni yngri flokka.
Skráning fer fram á
robert@hsi.is
og lýkur föstudaginn 25. september. Þátttakendur skulu taka fram við skráningu nafn, kennitölu, félag, e-mail og síma.
A-stigs námskeið
Dómaranefnd mun einnig halda áfram þeirri vinnu að bjóða uppá A-stigs dómaranámskeið í vetur. Þau námskeið hafa verið haldin hjá félögunum á mánudögum og er hægt að óska eftir þeim með að senda tölvupóst á
robert@hsi.is
. Það sem þarf að koma fram er nafn á tengilið og hugmynd að dagssetningu.