Coca Cola bikarinn | KA/Þór Coca Cola bikarmeistari kvenna 2021
Norðanstúlkur er Coca-Cola bikarmeistarar 2021 eftir 7 marka sigur á Fram í úrslitaleik á Ásvöllum fyrr í dag.

KA/Þór byrjaði leikinn og náði fljótlega 4 marka forystu en Framstúlkur sáu þá að sér og jöfnuðu leikinn 7-7 eftir 20 mínútna leik. Það var þó KA/Þór sem átti lokaorðið í fyrri hálfleik og fór með þriggja marka forskot inn í leikhléið, 12-9.

Í síðari hálfleik komst KA/Þór fljótlega 7 mörkum yfir og þó að Fram hafi náð að klóra í bakkann þá var það ekki nóg og norðanstúlkur lönduðu öruggum sigri 27-20.

Rut Jónsdóttir leikmaður KA/Þór var valin mikilvægasti leikmaður úrslitahelgi Coca Cola bikars kvenna.

Með þessum sigri í dag lönduðu Akureyringar þriðja stóra titlinum í kvennaflokki í handbolta á árinu, þær eru því deildar-, Íslands- og
bikarmeistarar 2021. Frábær árangur hjá KA/Þór.

Markaskorarar KA/Þórs:
Unnur Ómarsdóttir 6, Aldís Ásta Heimisdóttir 5, Rut Arnfjörð Jónsdóttir 5, Rakel Sara Elvarsdóttir 4, Martha Hermannsdóttir 4, Ásdís Guðmundsdóttir 1, Hulda Bryndís Trygggvadóttir 1 og Matea Lonac 1.
Matea Lonac varði 15 skot.

Markaskorarar Fram:
Ragnehiður Júlíusdóttir 7, Karen Knútsdóttir 5, Emma Olsson 4, Þórey Rósa Stefánsdóttir 1, Stella Sigurðardóttir 1, Hildur Þorgeirsdótttir 1 og Harpa María Friðgeirsdóttir 1.

Hafdís Renöturdóttir varði 12 skot og Irean Björk Ómarsdóttir varði 1 skot.