Úrskurður aganefndar 26. febrúar 2025
Eftirtalin mál lágu fyrir og var tekið til úrskurðar:
- Andri Finnsson leikmaður Vals hlaut útilokun með skýrslu vegna sérstaklega hættulegrar aðgerðar í leik Fjölnis og Vals í Olís deild karla þann 20.02.2025. Dómarar meta að brotið falli undir reglu 8:6 a).
Með úrskurði aganefndar dags. 25.02.2025 var Val gefið færi á að skila greinargerð áður en ákvörðun yrði tekin um viðurlög vegna málsins.
Greinargerð barst frá Val. Hefur aganefnd farið yfir sjónarmið félagsins og framlögð myndbönd.
Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í þriggja leikja bann að teknu tilliti til ítrekunaráhrifa. Aganefnd vekur athygli á frekari stighækkandi áhrifum útlokana vegna slíkra brota, skv. 1. mgr. 11. sömu reglugerðar.
Leikbannið tekur gildi 27.02.
Fleiri mál lágu ekki fyrir.
Úrskurðinn kváðu upp Sverrir Pálmason, Arnar Kormákur Friðriksson og Ágúst Karl Karlsson