Úrskurður aganefndar 20. febrúar 2020

Eftirtalin mál lágu fyrir og voru tekin til úrskurðar:

1.
Logi Snædal Jónsson leikmaður Víkings hlaut útilokun með skýrslu vegna grófs leikbrots í leik Þórs Ak. og Víkings í mfl. ka. þann 15.2.2020. Dómarar meta að brotið falli undir reglu 8:6 a). Málinu var frestað um sólarhring með hliðsjón af 3. gr. reglugerðar HSÍ um agamál.

Greinargerð barst frá Víkingi vegna málsins.

Aganefnd hefur skoðað gögn málsins, þ.m.t. myndbandsupptöku af atvikinu og telur brotið réttilega heimfært af dómurum leiksins sem brot gegn reglu 8.6 a). Niðurstaða aganefndar er tveggja leikja bann. Aganefnd vekur jafnframt athygli á stighækkandi áhrifum leikbanna, skv. 1. mgr. 11. gr. reglugerðar HSÍ um agamál.

Úrskurðurinn tekur gildi nú þegar.

Fleiri mál lágu ekki fyrir.

Úrskurðinn kváðu upp Sverrir Pálmason, Arnar Kormákur Friðriksson og Arnar Þór Sæþórsson.