Úrskurður aganefndar 14. nóvember 2023

Eftirtalin mál lágu fyrir og var tekið til úrskurðar:

Jón Ómar Gíslason leikmaður Gróttu hlaut útilokun með skýrslu vegna grófs leikbrots í leik Gróttu og Vals í Olís deild karla þann 10.11.2023.  Dómarar meta að brotið falli undir reglu 8:5 a).  Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.

Thelma Dögg Einarsdóttir leikmaður FH hlaut útilokun með skýrslu vegna sérstaklegrar hættulegrar aðgerðar í leik Hauka U og FH í Grill deild kvenna þann 11.11.2023. Við nánari athugun er það mat dómara að ákvörðunin hafi verið röng og hafa þeir því óskað eftir að draga spjaldið til baka. Fellst aganefnd á það og fellur málið því niður.

Fleiri mál lágu ekki fyrir.

Úrskurðinn kváðu upp Sverrir Pálmason, Arnar Kormákur Friðriksson og Ágúst Karl Karlsson