Sigvaldi Guðjónsson hefur dregið sig út landsliðshópnum fyrir leikinn gegn Litháum, Sigvaldi er kominn í sóttkví eftir að smit greindist hjá liði hans, Vive Kielce í Póllandi.

Í stað Sigvalda kemur Arnór Þór Gunnarsson (Bergischer HV) aftur til liðs við hópinn. Arnór kemur til landsins á þriðjudag og verður klár í slaginn gegn Litháum daginn eftir.

Leikurinn gegn Litháen fer fram miðvikudaginn 4. nóvember kl. 19.45 í Laugardalshöll, áhorfendur verða ekki leyfðir en bein útsending á RÚV hefst kl. 19.30.