A karla | Ísland í F-riðli á EM 2026

EHF tilkynnti í morgun að fari Ísland á EM 2026 sem haldið verður í Danmörku, Svíþjóð og Noregi munu strákarnir okkar leika í F-riðli sem leikinn verður í Kristianstad í Svíþjóð. Stuðningsmenn Íslands þekkja sig vel í Kristianstad en Ísland lék þar á HM 2023. Miðasala fyrir EM 2026 hefst 12. september nk.

Ísland hefur leik í undankeppni EM 2026 6. nóvember nk. í Laugardalshöll gegn Bosníu en strákarnir okkar eru einnig með Georgíu og Grikklandi í riðli.