Þjálfaranám HSÍ | 1. – 3. stig í fjarnámi

Þjálfaranám HSÍ aftur af stað 8. febrúar en skráning á námskeiðin er hafin.

Námskeiðin voru áður rekin í formi helgarnámskeiða en verða hér eftir í fjarnámi yfir nokkurra mánaða tímabil. Námskeiðin fara fram fram í samstarfi við Háskólinn í Reykjavík og er notast við sama tölvukerfi og HR notar í sínu námi.

Meginhluti efnisins var unnnin EHF Mastercoach nemum en þeir luku sínu námi hjá HSÍ í lok árs 2019 en þar fyrir utan hefur HSÍ fengið fólk með mikla reynslu af þjálfun og öðrum málefnum tengdum handbolta til að bæta enn frekar í flóruna. HSÍ og félögin í landinu búa vel að þessari vinnu, þarna eru okkar færustu þjálfara að miðla sinni þekkingu til þeirra þjálfara sem vilja bæta við sig og ná lengra í starfinu.

Námið skiptist í þrjá hluta:

1. stig – Barnaþjálfun (6. – 8. flokkur)

Grunnatriði íþróttarinnar kynnt og hvernig þau skal þjálfa. Hér er reynt að hafa tengingar við íþróttafræði og koma íþróttafræðingar mikið að kennslu á þessu stigi.

2. stig – Þjálfun unglinga (3. – 5. flokkur)

Stigið miðar að því að byggja á grunn leikmanna úr yngstu flokkunum, bæta við sérþjálfun eftir leikstöðum og svo í framhaldinu einföldu leikskipulagi í vörn og sókn. Einnig er komið inná líkamlega þjálfun unglinga.

3. stig –  Þjálfun meistaraflokks/afreksþjálfun

Námið kemur inn á alla þá þætti sem skipta máli í meistaraflokksþjálfun, ítarlega er farið í hvern þátt og lagt upp úr því að vera með hæfa fyrirlesara.

Þjálfarar eru metnir inná stig eftir menntun og reynslu, nánar hér: https://www.hsi.is/krofur-vegn-thjalfaranams-hsi/

Kostnaður við námskeiðin:

1. stig 20.000kr

2. stig 60.000kr

3. stig 80.000kr

Nánari upplýsingar veitir Gunnar Magnússon, gunnar@hsi.is