HSÍ hefur fallist á beiðni Ísraela að skipta á heimaleikjum landanna í undankeppni EM 2021.

Ísland átti að fara til Ísrael og leika við landslið þeirra 8. nóvember nk. en vegna stöðu Covid-19 þar í landi og útgöngubanns í Ísrael óskaði handknattleiksamband Ísraela að færa leikinn til Íslands. HSÍ hefur ákveðið að verða við ósk þeirra og verður því leikið í Laugardalshöll 7. nóvember kl 16:00.

Strákarnir okkar munu því leika 4. og 7. nóvember gegn Litháen og Ísrael.