HSÍ og KKÍ hafa uppfært leiðbeiningar sínar vegna áhorfenda á íþróttaviðburðum. Þar er ein meginbreyting, börn telja jafnt sem fullorðnir í heildartölu leyfðra áhorfenda.

Í framhaldi af þessu hefur HSÍ tekið upp leiðbeiningar frá ÍSÍ vegna áhorfenda á íþróttaviðburðum. Þar kemur fram að heildarfjöldi áhorfenda skal ekki vera meiri en helmningur af stærð áhorfendarýmis í fermetrum, sem þýðir að hver áhorfandi skal hafa 2 fermetra í áhorfendastúku. Þetta er ágætlega útskýrt í leiðbeiningum ÍSÍ, þar má einnig finna viðmiðunartöflu sem sýnir hámarksfjölda áhorfenda m.v. stærð áhorfendarýmis. Þrátt fyrir þessa breytingu verður hámarksfjöldi áhorfenda í einu hólfi áfram 200.

Nýjar leiðbeiningar HSÍ og KKÍ og leiðbeiningar ÍSÍ má finna á heimasíðu HSÍ.