Íslenska kvennalandsliðið í handknattleik sem skipað er leikmönnum 17 ára og yngri tekur þátt í undankeppni EM í Þórhöfn í Færeyjum um helgina, en ekki hefur gengið þrautalaust að komast til Straumeyjar. Íslenski hópurinn er veðurtepptur í Kaupmannahöfn og verður þar degi lengur en ætlað var.

16-manna hópur Íslands er þannig skipaður:

Alexandra Diljá Birkisdóttir – Valur

Andrea Jacobsen – Fjölnir

Ástríður Glódís Gísladóttir – Fylkir

Elín Helga Lárusdóttir – Grótta

Elísabet Mjöll Guðjónsdóttir – Fram

Elva Arinbjarnar – HK

Eyrún Ósk Hjartardóttir – Fylkir

Helena Ósk Kristjánsdóttir – Fjölnir

Karen Tinna Demian – ÍR

Lovísa Thompson – Grótta

Mariam Eradze – Fram

Ragnhildur Edda Þórðardóttir – HK

Sandra Erlingsdóttir – Hypo NÖ

Sunna Guðrún Pétursdóttir – KA/Þór

Þóra Guðný Arnarsdóttir – ÍBV

Þórunn Sigurbjörnsdóttir – KA/Þór

Þjálfarar liðsins eru þeir Halldór Stefán Haraldsson og Jón Gunnlaugur Viggósson, liðsstjóri er Guðríður Guðjónsdóttir og sjúkraþjálfari er Sædís Magnúsdóttir.

Íslenska liðið mætir heimastúlkum í fyrsta leik sínum í þessum undanriðli EM og hefst leikurinn klukkan 19 föstudaginn 13.mars. Klukkan 17 á laugardag, 14.mars, mætir Ísland Rússlandi og lokaleikur íslenska liðsins er gegn Tékklandi. Sá leikur fer fram á sunnudag, 15.mars, og hefst klukkan 17.

Tvö efstu lið riðilsins tryggja sér sæti í úrslitakeppni EM, sem fram fer í Makedóníu 13.-23.ágúst á þessu ári.

Leikir íslenska liðsins verða sýndir í beinni útsendingu á netinu og verður streymistengill aðgengilegur á heimasíðu HSÍ.