Íslenska U-21 landslið karla hefur í dag leik á heimsmeistaramótinu í Alsír. Mótið fer fram í Algeirsborg sem er höfuðborg Alsír.
Leikið er í tveimur keppnishöllum, Salle Omnisport Harcha Hocine sem tekur 8200 manns í sæti og La Coupole D’Alger Arena sem tekur 3700 manns í sæti.
Leikir Íslands í riðlakeppninni, D riðli, fara fram í þeirri fyrrnefndu ásamt heimamönnum í Alsír, Króatíu, Sádí Arabíu, Argentínu og Marakó.
Ísland hefur leik kl. 17:00 í dag (18:00 að staðartíma) á móti Argentínu.
Argentína tók þátt í Suður Ameríku keppninni í mars og endaði í 2. sæti eftir tap á móti Brasílíu í úrslitum. Með því að lenda í 2. sæti tryggði liðið sér sæti á HM í Alsír.
Á HM U-19 í Rússlandi endaði Argentína í 21. sæti.
Allar upplýsingar um mótið má finna á heimasíðu mótsins, www.algeriahandball2017.com
Leikurinn á að vera í beinni útsendingu á netinu, upplýsingar um slóð á leikinn ligga hinsvegar ekki fyrir.
Um leið og upplýsingar um hvar verður hægt að horfa á leikinn liggja fyrir munum við tilkynna það.
Íslenska liðið
Markmenn
Einar Baldvin Baldvinsson
Grétar Ari Guðjónsson
Viktor Gísli Hallgrímsson
Útileikmenn
Arnar Freyr Arnarsson
Aron Dagur Pálsson
Birkir Benediktsson
Dagur Arnarsson
Elliði Snær Viðarsson
Elvar Örn Jónsson
Hákon Daði Styrmisson
Kristján Örn Kristjansson
Óðinn Þór Ríkharðsson
Ómar Ingi Magnússon
Sigtryggur Rúnarsson
Ýmir Örn Gíslason
Þorgeir Bjarki Davíðsson
Starfsmenn
Ólafur Stefánsson, þjálfari
Sigursteinn Arndal, þjálfari
Jón Birgir Guðmundsson, sjúkraþjálfari
Sverrir Reynisson, liðsstjóri
Jóhannes Runólfsson, farastjóri
Fylgist endilega með okkur á samfélasmiðlunum,
Facebook,
Instagram og
Twitter.
Þá eru strákarnir með Snapchat, u96.strakarnir