67. ársþing HSÍ var haldið í dag, miðvikudaginn 19. júní. 

Í skýrslu stjórnar kom fram að mikill uppgangur hefur verið í handboltaíþróttinni undanfarin ár. Fleiri lið taka þátt í Evrópukeppnum og er afrek Vals með sigri í Evrópukeppni skýrt dæmi um jákvæða þróun handboltans. Kvenna landsliðið tók þátt í HM á sl. ári eftir margra ára hlé og verðu þátttakandi á lokamóti EM nú í desember. Þá er árangur yngri landsliða mjög góður en þau keppa nú á lokamótum HM og EM í sumar.

Á þinginu kom fram að rekstur sambandsins var mjög erfiður á sl. ári en tap á rekstri var um 85. milljónir króna.  Skýrist það einkum af miklum kostnaði vegna afreksstarfs við undirbúning og þátttöku í lokamótum karla og kvenna. Eins hefur frumkvöðlastarf við miðlun leikja í sjónvarpi í opinni dagskrá á eigin forsendum verið kostnaðarsamt sem og uppsetning hansboltapassans en sjónvarpsáhorf hefur sjaldan verið meira frá deildarkeppni.  HSÍ gerir sér vonir um að sá kostnaður komi til baka á næstu árum.

Mikil umræða var um þungan rekstur vegna afreksstarfs og hve lítill stuðningur fæst frá ríkisvaldinu.  Ef ekki kemur til aukið framlag hvort sem er frá ríkissjóði og afrekssjóði ÍSÍ  mun það leiða til þess að draga þarf úr afreksstarfi hjá  öllum landsliðum.

Þau Bjarni Ákason, Ólafur Örn Haraldsson og Sigurborg Kristinsdóttir komu ný inn í stjórn en úr stjórn gengu Arnar Þorkelsson og Kristján Gaukur Kristjánsson en fyrir var eitt laust sæti í stjórn.

Arnar Þorkelsson var á þinginu sæmdur gull merki HSÍ og silfur merki ÍSÍ fyrir framúrskarandi störf fyrir HSÍ í gegnum tíðina.