Yngri flokkar | Úrslitadagur yngri flokka 19. maí

Sunnudaginn 19. maí fara fram úrslitaleikir yngri flokka í Kórnum. Hér leiða saman hesta sína landsliðsmenn- og konur framtíðarinnar og má ganga að góðri skemmtun vísri.

Unglingaráð handknattleiksdeildar HK hefur veg og vanda að mótahaldi í ár og verður hvergi slegið slöku við.

Leikjaplan dagsins er eftirfarandi:

Sun 19. maí 2024 12:00 4.fl. kvenna Valur – ÍBV

Sun 19. maí 2024 13:30 4.fl. karla Valur – FH

Sun 19. maí 2024 15:00 3.fl. karla Haukar – Afturelding

Sun 19. maí 2024 17:00 3.fl. kvenna Valur – Fram

Leikirnir verða allir sýndir í beinni útsendingu á Handboltapassanum.

Athygli er vakin á því að verðlaunaafhending fyrir hvern flokk fyrir sig fer fram strax eftir leik. Veitt eru verðlaun fyrir besta leikmanninn, auk silfur og gullverðlauna. Sigurliðið fær bikar til eignar.