Bakhjarlar | HSÍ endurnýjar samning við Íslenskar getraunir

Handknattleikssamband Íslands og Íslenskar getraunir hafa endurnýjað samning sín á milli og munu Íslenskar getraunir áfram styðja við landslið HSÍ. Vörumerki Lengjunnar kemur inn á allar landsliðstreyjur HSÍ og verður það staðsett á treyju fyrir ofan brjóst.

Íslenskar getraunir hafa stutt við bakið á landsliðunum um árabil og er það afar mikilvægt fyrir íslenskan handknattleik að sá stuðningur verði áfram til staðar.

HSÍ lýsir yfir ánægju sinni með þennan samning og vonast til þess að eiga gott samstarf við Íslenskar getraunir í framtíðinni.