Úrskurður aganefndar 12. október 2022

Eftirtalin mál lágu fyrir og var tekið til úrskurðar:

Hörður Flóki Ólafsson starfsmaður Þórs hlaut útilokun með skýrslu vegna mjög grófrar ódrengilegrar hegðunar í leik Þórs og Fram U í Grill 66 deild karla þann 08.10.2022.  Dómarar meta að brotið falli undir reglu 8:10 a).  Málinu var frestað á fundi aganefndar þann 11. október 2022, með vísan til 3. gr. reglugerðar HSÍ um agamál.

Með tilvísun í 10. gr. reglugerðar HSÍ um agamál er það niðurstaða aganefndar að starfsmaðurinn er úrskurðaður í tveggja leikja bann. Aganefnd vekur jafnframt athygli á stighækkandi áhrifum leikbanna, skv. 1. mgr. 11. gr. sömu reglugerðar.

Þann 10. október 2022 barst aganefnd erindi frá framkvæmdastjóra HSÍ vegna leikbrota Úlfs Gunnars Kjartanssonar, í leik KA og ÍR í Olís deild karla er fram fór þann 6. október 2022.

Óskað var eftir greinargerð frá ÍR, sem hefur borist. Aganefnd hefur kynnt sér myndbandsupptökur og ljósmyndir af atvikunum.

Aganefnd telur sér heimilt að aðhafast vegna þessa máls og að atvikin feli í sér leikbrot sem skaðað geti ímynd handknattleiksíþróttarinnar í skilningi 6. kafla reglugerðarinnar.

Málinu var frestað á fundi aganefndar þann 11. október 2022, með vísan til 3. gr. reglugerðar HSÍ um agamál. Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í þriggja leikja bann vegna leikbrotanna. Aganefnd vekur jafnframt athygli á stighækkandi áhrifum leikbanna, skv. 1. mgr. 11. gr. sömu reglugerðar.

Fleiri mál lágu ekki fyrir.

Úrskurðinn kváðu upp Arnar Kormákur Friðriksson, Ágúst Karl Karlsson og Sverrir Pálmason.