B landslið kvenna | Tap gegn Noregi

Stelpurnar okkar í B landsliðinu léku í dag sinn fyrsta leik gegn Noregi í fjögura landa móti í Cheb í Tékklandi. Ísland byrjaði leikinn vel í dag og skoraði fyrsta mark leiksins, eftir það skiptust liðin á að leiða fyrstu 13 mínútur leiksins. Noregur náði svo góðum kafla og seig fram úr stelpunum okkar. Þegar dómarar dagsins blésu til hálfleiks var staðan 8 – 14 Noregi í vil.

Íslandi mætti inn í seinni hálfleikinn af krafti og náði á fyrsti 15 mínútum seinni hálfleiks að minnka muninn niður í þrjú mörk. Það sem eftir lifði leiks börðust stelpurnar vel og sýndu frábæra takta í vörn og sókn en Norska liðið var ekkert á þeim buxunum að hleypa þeim meira inn í leikinn. Sara Sif Helgadóttir markvörður spilaði frábærlega í seinni háflleik og varði samtals 12 skot. Leikurinn endaði með sigri 20 – 25 Norðmanna.

Stelpurnar geta gengið stoltar frá verkefni sínu í dag, á morgun mæta þær Sviss og hefst leikurinn kl 15:00.

Sara Sif Helgadóttir var valinn besti leikmaður Íslands í leiknum.

Mörk Íslands í dag skoruðu: Auður Ester Gestsdóttir 4, Sara Dögg Hjaltadóttir 3, Jóhanna Margrét Sigurðardóttir 3, Eín Rósa Magnúsdóttir 2, Elna Ólöf Guðjónsdóttir 2, Birta Lind Jóhannsdóttir 2, Díana Dögg Magnúsdóttir 1, Mariam Eradze 1, Berglind Þorsteinsdóttir 1 og Harpa María Friðgeirsdóttir 1 mark.

Sara Sif Helgadóttir varði 12 skot og Saga Sif Gísladóttir 3 skot.