Yngri landslið | Afreksmaður framtíðarinnar, fyrirlestraröð HR

Afreksmaður framtíðarinnar, fyrirlestraröð HR og HSÍ fór fram í dag en þangað mæta öll yngri landslið HSÍ. Fyrirlestraröðin er haldin tvisvar á ári og þar fá framtíðarlandsliðsmenn og konur okkar fræðslu um allt sem kemur við íþróttum.

Kolbrún Hrund Sigurgeirsdóttir, verkefnastýra jafnfnréttismála á skóla- og frístundarsviði Reykjavíkur og situr í framkvæmdastjórn ÍSI var fyrst í pontu. Kolbrún fræddi framtíðarlandsliðsfólkið okkar um kynferðisofbeldi og jafnréttismál en Kolbrún leiðir starfshóp ÍSÍ sem stofnaður var á dögunum til að vinna að jafnréttismálum innan ÍSÍ.

Í gær fóru fram mælingar á líkamlegri getu leikmanna yngri landsliða kvenna sem HR stóð fyrir. Niðurstöðunum er safnað saman milli mælinga og geta því leikmenn yngri landsliða fylgst með eigin mælingum og líkamlegri getu sinni auk þess sem nemendur og starfsmenn HR geta nýtt tölurnar til rannsókna á íþróttasviði háskólans. Ólafur Snorri Rafnsson og Steinunn Birta Haraldsdóttir fóru yfir mælingarnar fyrir hönd HR.

Samstarfs HR og HSÍ er báðum aðilum dýrmætt og nýtist jafnt í dag sem og til framtíðar.