EHF | Breytingar á leikjaplani vegna Covid-19

mar25

EHF | Breytingar á leikjaplani vegna Covid-19

Í tölvupósti frá EHF sem barst í hádeginu í dag kemur fram að stjórn EHF hefur ákveðið að fresta öllum leikjum á vegum sambandsins í apríl og maí. 

Þá hefur einnig verið teiknað upp plan fyrir sumarið en en þó með þeim fyrirvara að það fari eftir því hvernig Covid-19 faraldurinn þróast í Evrópu næstu vikurnar.

Áætlun EHF fyrir sumarið má sjá hér fyrir neðan (þó aðeins það sem tengist íslenskum liðum):

1. - 7. júní:

  • Undankeppni fyrir EM kvenna, 3. - 6. umferð. Allir leikir spilaðir á einum stað frá miðvikudegi til sunnudags, haldið af einu liðanna í riðlinum. Ísland í riðli með Króatíu, Frökkum og Tyrklandi.
  • Challenge Cup karla áttaliða úrslit (fyrri leikur á mið/fim, seinni leikur á lau/sun). Valur leikur gegn Halden frá Noregi.

22. - 28. júní:

  • Challenge Cup karla, úrslitahelgi með tveimur leikdögum. Með svipaðu sniði og Meistaradeildin og EHF Cup hafa verið spiluð undanfarin ár.

29. júní - 5. júlí:

  • Umspilsleikir fyrir HM karla (fyrri leikur á mið/fim, seinni leikur á lau/sun), þetta hefur þó ekki verið staðfest ennþá þar sem IHF þarf líka að koma að þessari ákvörðun.
  • U-20 ára landslið karla átti að spila á EM í Austurríki og á Ítalíu 2. - 12. júlí, því hefur verið frestað til 13. - 23. ágúst og verður þá spilað samhliða EM U-18 (sem fer fram í Slóveníu).
  • U16 ára landslið kvenna á að spila á European Open í Gautaborg í Svíþjóð 29. júní - 3. júlí. Ekki hefur verið tekin ákvörðun um hvort þetta mót verði fært en EHF er í sambandi við mótshaldara í Svíþjóð vegna framhaldsins.

Þá er líka komnar nýjar dagsetningar á úrslitahelgar í Evrópukeppnum:

  • 22. - 23 ágúst VELUX EHF Final4 í Köln (Meistaradeild karla)
  • 29. - 30. ágúst EHF Cup Finals í Berlín (EHF Cup karla
  • 5. - 6. septemer DELO EHF Final4 í Búdapest (Meistaradeild kvenna) 

Nánar er hægt að lesa um þessar breytingar á heimasíðu EHF, SJÁ HÉR.

Til baka