Aganefnd HSÍ | Úrskurður 19.3. '19

mar19

Aganefnd HSÍ | Úrskurður 19.3. '19


Úrskurður aganefndar 19. mars 2019


Eftirtalin mál lágu fyrir og voru tekin til úrskurðar:

1. Daníel Freyr Rúnarsson leikmaður Fjölnis/Fylkis hlaut útilokun með skýrslu vegna grófs leikbrots í leik FH og Fjölnis/Fylkis í 3.fl. ka. þann 12.3. 2019. Dómarar meta að brotið falli undir reglu 8:5. Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.

2. Jón Karl Einarsson leikmaður Hauka U hlaut útilokun með skýrslu vegna grófrar óíþróttamannslegrar hegðunar í leik FH U og Hauka U í mfl. ka. þann 14.3. 2019. Dómarar meta að brotið falli undir reglu 8:10 c þar sem brotið á sér stað á seinustu þrjátíu sekúndum leiksins. Í agaskýrslu frá dómurum kemur fram að við endurmat á atvikinu hafi þessi ákvörðun verið röng og rauða spjaldið því dregið tilbaka. Niðurstaða aganefndar er því að ekki skuli aðhafst frekar í málinu og spjaldið mun því ekki gilda ef kemur til ítrekunaráhrifa vegna rauðra spjalda.

3. Einar Pétur Pétursson leikmaður Hauka hlaut útilokun með skýrslu vegna grófs leikbrots í leik Hauka og ÍR í mfl. ka. þann 16.3. 2019. Dómarar meta að brotið falli undir reglu 8:5 a). Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.




Fleiri mál lágu ekki fyrir.

Úrskurðinn kváðu upp Sverrir Pálmason, Arnar Kormákur Friðriksson og Arnar Þór Sæþórsson.

Til baka