HSÍ l Íþróttastjóri ráðinn til starfa

okt03

HSÍ l Íþróttastjóri ráðinn til starfa

Einar Guðmundsson hefur verið ráðinn íþróttastjóri HSÍ og mun hafa umsjón með afreksstarfi sambandsins.
 
Einar er 48 ára, fyrrum leikmaður Selfoss í handknattleik og lék með yngri landsliðunum á árum áður. Hann hefur verið handknattleiksþjálfari í 30 ár, þjálfað m.a. í Noregi og á Selfossi þar sem hann hefur verið yfirþjálfari. 

Hann hefur verðið unglingalandsliðsþjálfari sl. 12 ár og m.a. unnið tvívegis til verðlauna á heimsmeistaramóti unglinga, silfurverðlaun í Túnis 2009 (drengir f. 1990 og síðar) og bronsverðlaun í Rússlandi 2015 (drengir f.1996 og síðar).
 
Einar er menntaður íþróttakennari og er að ljúka MS-gráðu í stjórnun nú um áramót frá Háskólanum á Bifröst. Þá hefur Einar lokið 3. stigi í þjálfaramenntun HSÍ. Hann hefur starfað sem kennari og skólastjórnandi undanfarin 23 ár. 

Hægt er að hafa samband við Einar á netfangið einarg@hsi.is

Í dag eru 6 starfsmenn á skrifstofu HSÍ í 5,5 stöðugildum.


Til baka